Nagballaag ti Department of Health (DOH) a posible nga umado ti dengue cases gapu iti umadanin a panagtutudo.
Kagiddan ti panagsagaba para ti rainy months ket imbalakad ti health department iti publiko ken local government units nga iyetnag ti tignayda iti mosquito control a mangipagenetget iti kinapateg iti panangparmek iti mosquito breeding sites sakbay iti panagtutudo.
Numan pay bimmaba ti dengue cases iti 10% manipod February 2 agingga February 15, 2025 ta nairekord ti 14,163 cases nu kumparar iti January 19 agingga February 1, 2025 a 15,742 a kaso ket madanagan ti DOH nga amangan nu ngumato iti kaso iti panagrugi ti rainy season.
Inallukoy ti DOH iti publiko nga isayangkat ti proactive measures tapno maliklikan ti kaadda iti lamok ken maliklikan ti panagwaras iti dengue.
