--Ads--
Madanagan ti Department of Health (DOH) iti ngimmato a kaso ti Hand, Foot, and Mouth Disease iti pagilian.
Maibasar iti listaan, impakaammo ti DOH a 37,638 nga impeksyon ti nairekord idi August 9 ita a tawen, nangatngato iti mamin-pito a daras ngem iti 5,081 a kaso a nairekord iti isu met la a panawen idi 2024.
Segun ti ahensya, kagudua kadagiti kaso ket nakairamanan dagiti ubbing nga agtawen iti tallo a gappuanan ti panagbalin a most vulnerable iti viral infection iti nasao nga age group.
Pinalagipan ti health officials iti publiko a paliiwen dagiti masansan a sintomas a kas iti gurigor, nasakit a singaw, sore throat, ken rashes wenno lotta iti dakulap iti ima ken iti dapan.
-- ADVERTISEMENT --
