VIGAN CITY – Pinasingkedan ti Department of Health nga ipaayda ti pentavalent wenno 5-in-1 vaccine iti vulnerable populations pakairamanan dagiti ubbing nga agtawen ti lima agpangato, agtutubo, nataengan ken masikog a babbai kagiddan ti immadu a kaso iti pertussis.
Segun ken ni Health Assistant secretary ken deputy Spokesperson Albert Domingo, iti panawen a limitado ti resources ket pilien ti Department of Health a salakniban nga umuna dagiti vulnerable ken aramidenda dagiti wagas tapno makaala ti access iti bakuna para ti dadduma a population groups.
Inyunay-unayna pay ti panangipangruna kadagiti ubbing a mangrugi iti innem a lawas a pannakaiyanakda.
Saan laeng a pertussis ta adupay iti maipaayna a salaknib ti pentavalent vaccine kas pangontra iti Diphteria, Tetanus, Hepatitis B, ken Haemophilus influenza B.
