--Ads--
Kinontra ti Department of Health nga adda ti maipatpatungpal ita a lockdown gapu iti Monkeypox virus nga agwarwaras iti pagilian.
Segun iti DOH, awan ti lockdown a maipatpatungpal iti sadino man a paset ti pagilian ken saan a kasapulan a maipatungpal a lockdown ta saan met nga airborne disease ti MPOX.
Impasigurado ti DOH nga agtultuloy ti pannakitinnulongda kadagiti Local Government Units tapno maikkan iti husto a serbisyo medical dagiti kumpirmado ken maatap a kaso ti nasao a sakit.
Ad-adu ti kaso ti MPOX idi 2024 no ikumpara ita a tawen, ta naigiddato laeng a maikabkabil iti headline ti update ti mpox gapu ta aktibo itan dagiti LGU a mangiruar iti bilang ti kaso.
-- ADVERTISEMENT --
