Inlawlawag ti Department of Health nga awan ti pagibasaran ti agwarwaras a damage mainaig iti emergency lockdown iti pagilian gapu iti mapapati a baro a Covid19 variant a naawagan iti “Cicada”.
Binalakadan ti DOH ti publiko a saan nga agiwaras iti peke a damag ken agtalek laeng kadagiti opisial nga impormasion.
Awan ti nairekord a kaso iti pagilian gapu iti Cicada strain nga immuna a natakuatan idiay South Africa idi November 2024 ken karaman iti Omicron lineage, segun iti World Health Organization.
Iti agdama, nairekord ti variant kadagiti 23 a pagilian ken maidalan iti kategorya ti Covid variant nga under monitoring.
Segun ken ni DOH Spokesperson Usec Albert Domingo, agingga awan ti ballaag manipud iti WHO ken dadduma pay nga international health bodies ket awan ti nasken a pagdanagan.
