--Ads--
Inlawlawag ti Department of Health a bimmaba dagiti kaso ti monkeypox ditoy pagilian idi Mayo 2025.
Segun ken ni DOH Spokesperson Albert Domingo, nabab-baba iti limapulo ti nairekord a kaso idi Mayo, no ikumparar iti nasurok limapulo idi Abril.
Kitkitaen ti ahensia ti trend iti kada bulan imbes nga iti pakabuklan a bilang tapno saan a mangitunda iti nakaro a panagdanag.
Manipud 2024, umabot iti 911 ti pakabuklan nga mpox cases, ngem idi Setyembre 2024, kadagiti dua gasut a suspected cases ket sangapulo agingga duapulo laeng ti nakumpirmaran nga mpox- ta ti dadduma ket chickenpox.
-- ADVERTISEMENT --
Ti laeng variant ditoy pagilian ket mild Clade II; ken saan pay a nadetect ti ad-adda a makaakar a Clade1B.
