Nakasick leave ni Health Secretary Teodoro “Ted” Herbosa kalpasan a dimmalan ti knee replacement surgery kas pinasingkedan ni Department of Health (DOH) spokesperson Undersecretary Albert Domingo.
Kinumpirnaran ni Undersecretary Domingo, nangrug ti sick leave ni Sec. Herbosa idi July 6.
Segun ken ni Domingo, balligi ti naisayangkat nga operasyon ken agdaman a dumaldalan ni Herbosa ti physical therapy ken rehabilitation.
Imbingay ni Herbosa ti ladawanna bayat a nakasuot iti bado nga adda nakasurat a “New knee, new me”.
Bayat a naka-leave ni Herbosa, temporaryo nga agserserbi nga Officer-in-Charge iti DOH ni Domingo.
Inlawlawag met ni Domingo a common process laeng ti pannakadutok iti chief of staff kas OIC no temporaryo a saan a maakman ti secretary ti akemna, ken insigida a malpas apaman a makasubli ti secretary iti trabahona.
Saan metten a dinakamat ni Domingo no kaano iti panagsubli ni Herbosa.
