--Ads--
Nakaala kadagiti kontrata ti Department of Energy para iti panangipatulod iti maysa a milion a bariles ti diesel nga umdas para iti lima nga aldaw a panangaramat ti pagilian.
Ti katulagan iti supplier ket maipinal babaen iti Philippine National Oil Company Exploration Corporation., ken dagiti kargamento ket manamnama a sumangpet iti pagilian kadagiti sumaruno a lawas.
Saan nga ibingay ti DOE dagiti partner supplier-na ngem kunana nga ad-adalen ti ahensia ti dadduma pay a posible a provider saan laeng nga iti Southeast Asia no di ket uray iti Japan, Canada, ken Amerika.
Ti baro a katulagan ket katukad iti 165.67 milion a litro a paset ti agdama a target ti gobierno a gumatang iti 2 milion a litro ti diesel nga adda investment-na a P20 billion.
-- ADVERTISEMENT --
