Inallukoy ti Department of Energy ti public sector nga agtipid iti panagaramat iti gasolina gapu iti saan a sigurado a suplay ti petrolyo nga epekto ti riribuk idiay Middle East.
Iti maysa nga advisory nga inruar ti DOE secretary ken Inter-Agency Energy Efficiency and Conservation Committee Chairperson, nailanad dagiti sumagmamano a napateg nga addang iti fuel efficiency ken conservation a nasken a nainget nga ipatungpal ti public sector a pakaibilangan dagiti government-owned or controlled entities ken ahensia ti gobierno.
Karaman ditoy ti masansan a maintenance dagiti lugan, ken panangadaptar iti standardized vehicle monitoring system.
Maipagpaganetget iti advisory a kasapulan ti agkaykaysa a tignay ti public sector tapno magun-od ti gagem ti Government Energy Management Program a maksayan ti fuel consumption ti pagilian iti saan a bumaba iti 10 percent.
