Nagpalagip ti Department of Migrant Workers kadagiti amin a mangmangged a Pilipino idiay Israel gapu iti agdama a security situation iti nasao a pagilian ken iti rehion.
Agtultuloy ti panangmonitor ti Migrant Worker Department iti Israel babaen iti Migrant Workers Office katulonganda ti Philippine Embassy idinto nga agtultuloy pay ti pannakaipalagip ti kinatalged dagiti Overseas Filipino Workers.
Al-allukoyenda dagiti OFW a suroten dagiti pammalagip kas ti masansan a panangbantay kadagiti damag ken pakdaar ti IDF Home Front Command para iti ania man a panagbal-baliw iti safety guidelines.
Panangbigbig iti kaasitgan a shelter iti lugar ken agsagana a sumrek no bilang makaawat iti urgent alert kas ti text app, wenno no aguni iti sirena.
Kasta payen ti panagtalinaed a naannad, ken panangliklik kadagiti napeggad a lugar.
