Agtigtignay ti Department of Migrant Workers (DMW) para iti panangduktal nu siasino iti adda iti likodan ti illegal recruitment kadagiti Pilipino a nagkari iti disente a trabaho idiay abroad ngem nagtungpal iti POGO-like hubs idiay Myanmar, Laos ken Cambodia.
Segun ken ni Bernard Olalia a DMW undersecretary for licensing and adjudication services, naiset up iti maysa a sistema tapno labanan ti trafficking kadagiti Pilipino.
Ti system ket pakairamanan ti deployment iti labor attaché to Thailand ken maysa a natibker a cooperation kadua ti Department of Foreign Affairs ken Inter-Agency Council kontra Trafficking.
Kinuna ni Olalia nga ipadpadasda a sapulen nu siasino dagiti nangrecruit kadagiti Filipino workers a nangipan kadakuada iti illegal migration corridors.
Idi laeng kallabes ket sangapulo ket dua a biktima manipod Myanmar iti simmangpet iti pagilian babaen ti repatriation program iti gobierno.
Segun ken ni DMW Secretary Hans Cacdac, maysa manipod sangapulo ket dua ti nakemmeg kalpasan a naduktalan nga isu ti illegal recruiter kadagiti distressed overseas Filipino worker.
Nagpalagip ti DMW iti publiko a nu naaramid ti recruitment transaction iti online ket posible a mangipasimudaag nga illegal recruitment gapu ta ti legitimate recruitment agency ket masapul a mapan iti opisina.
