--Ads--
Makibinnulig ni Department of Public Works and Highways Secretary Vince Dizon ken ni Education Secretary Sonny Angara tapno ipangruna dagiti saan pay nalpas a naipatakder a classroom iti intero a pagilian.
Inaramid daytoy ni Dizon kalpasan ti pananginspeksionna kadagiti dua a kadsaaran a pasdek ti classroom idiay Revilla High School ken tallo a kadsaaran a pasdek ti classroom idiay Aniban Central School, agpada nga adda idiay Bacoor, Cavite.
Segun ken ni Dizon, nangrugi ti konstruksion ti agpada a pasdek idi 2024 ngem naisardeng idi napan a tawen.
Innayonna pay a nasken a mabaliwan ti kapanunotan ti ahensia tapno saan a mabaybay-an dagiti saan pay nalpas a pasdek tapno ikkan gundaway dagiti baro a proyekto.
-- ADVERTISEMENT --
