VIGAN CITY – Inrekomendar ti Department of Agriculture (DA) a maaddaan ti condemnation facility tapno maliklikan manen ti panagilako ti smuggled agricultural goods a nakumpiskar dagiti lokal nga otoridad.
Inaramid ni Agricultural Sec. Francisco Tiu Laurel Jr. ti nasao a gakat kagiddan ti maisaysayangkat nga imbestigasyon ti DA iti mapapati a diversion dagiti produkto a pang-agrikultura manipod pier nga ilegal, adda ipaayna a sakit wenno dagiti kontrabando tapno masigurado nga awan ti mapasamak ng iregularidad.
Amin a forfeited ken naabandona a produkto manipod kadagiti pier ket maiyakar iti condemnation facility a pakaiballengan wenno paladadaelanna.
Immunan a nakaawat ti DA iti reports nga adda naala nga agricultural products a maidi-divert isu a rinugianen ti enforcement unit iti panag-imbestigar ti nasao nga insidente.
