Innagananen dagiti kontrobersial a kontraktor a da Curlee ken Sarah Discaya dagiti dadduma a kongresista ken opisial ti Department of Public Works and Highways a mapapati a karaman iti korapsion kadagiti flood control project ti gobierno.
Segun ken ni Curlee Discaya, mapilitanda a makibagay ta no saan ket malapdan ti pannakaipatungpal ti proyekto babaen iti ‘mutual termination’ wenno dagiti isyu nga adda pakainaiganna iti right of way.
Kalpasan a mangabakda iti bidding, adda dagiti opisial manipud iti DPWH nga umas-asideg ken agkidkiddaw kadakuada iti bingayda manipud iti gatad ti proyekto.
Masansan nga agkidkiddaw iti saan a bumaba iti 10-25 percent iti pakabuklan a gatad kasukat ti naurnos a panangipatungpal iti proyekto.
Nakasagana dagiti Discaya nga agbalin a state witness isu a nagkiddawda iti proteksion ken suporta manipud iti Senate Blue Ribbon Committee ken ni Presidente Ferdinand Marcos Jr.
