Imbutaktak da Department of the Interior and Local Government Sec. Benhur Abalos Jr., ken PNP Chief Rommel Franciso Marbil a nakaawatda iti nagtutuon a kaso kalpasan iti panangikagumaanda a mangtiliw ken ni Kingdom of Jesus Christ (KOJC) Founder Apollo Quiboloy.
Segun kenni Abalos napilaan isuna iti administrative case babaen kadagiti kameng ti KOJC iti Davao RTC kasta met ti panaglabsing iti domicile, interruption of religious worship, offending the religious feelings, grave threat ken conduct unbecoming of a public officer.
Malaksid iti daytoy, nangipila met ni dati a Presidente Rodrigo Duterte iti duya a kaso ti malicious mischief kontra ken ni Abalos, Gen. Marbil ken dadduma pay nga opisial ti polisia.
Maipalagip a sinerrek dagiti otoridad ti 30-ektaria a KOJC compound idiay Davao ket nangiserrekda kadagiti modern equipment kas iti life and motion tracer, life detector equipment ken proton elicit device a maka-detect kadagiti vital signs ti maysa a tao tapno mabirokan ti naglibas a pastor.
