--Ads--
VIGAN CITY – Nagballaag ni Department of Interior and Local Government Secretary Eduardo Año kadagiti amin a local government unit inaig ti mapapati a panangpulpulitikada ti panagiwaras ti relief goods.
Segun kenkuana, nakaawatda ti reklamo manipud kadagiti nadumaduma a barangay nga adda dagiti mangpilit kadagiti umili nga iparangda nga umuna dagiti voter’s ID da sakbay a maikkanda ti tulong ken maipangpangruna dagiti kakabagyan wenno gayyem dagiti opisial.
Innayon ni Año a nabayag pay ti eleksion isu a rumbeng nga iti ikagumaanda iti agdama ket ti agserbi kadagiti umili nga apektado iti enhanced community quarantine.
