Namnamaen ni Interior Secretary Benhur Abalos a sumarunon a makemmeg ni former Negros Oriental representative Arnolfo Teves Jr. kalpasan ti pannakakemmeg ni dismissed Bamban City mayor Alice Guo ken fugitive Kingdom of Jesus Christ (KOJC) leader Apollo Quiboloy.
Iti panagsarita ni Abalos nga adda ita idiay Dubai, inbinay na no kasano a nakemmeg dagiti dua a high-profile fugitives a ni Alice Guo idiay Tangerang City , Indonesia idi Mierkoles, ken ni Quiboloy iti KOJC compound idiay Davao City.
Segun kenni Abalos, namnamaenda a ti maikatlo ket makemmegda ni Teves a mapapati a nangpapatay daydi Negros Oriental Governor Roel Degamo bayat ti panangiwarasna iti tulong iti pagtaenganna idiay Pamplona.
Nakasuan pay ni Teves gapu iti pannakatay ti tallo a tattao idiay Negros Oriental idi 2019, ken adda iti kustodia ti polis ti Timor Leste manipud idi Marso kalpasan ti pannakakemmeg na kas maibasar iti International Criminal Police Organization (Interpol) red notice a nairuar idi Pebrero.
