--Ads--
Nagpanawagan ti Department of the Interior and Local Government kadagiti lokal a gobierno a pabilgen ti panagsagana kontra iti gingined ken tsunami kalpasan ti napigsa a gingined idiay Central Cebu ken Central Mindanao.
Segun iti DILG, nasken a nakasagana dagiti LGU iti insigida a panagbakwit, adda nalawag nga evacuation plan, ken regular ti panangisayangkat iti drills.
Kayat nga ipasigurado ti DILG ti kinatalged dagiti pasdek babaen iti inspeksion, ken inallukoyda ti publiko a mangala laeng iti impormasion manipud kadagiti opisial ti ahensia kas ti PHIVOLCS ken NDRRMC.
Gagem ti addang a maliklikan ti dakkel a pannakadadael ken masigurado ti kinatalged dagiti umili.
-- ADVERTISEMENT --
