--Ads--
Nangrugin a nakikammet ti Department of the Interior and Local Government wenno DILG iti pagilian a Portugal para iti pannakakemmeg ken ni dati nga Ako Bicol Rep. Zaldy Co.
Segun ken ni DILG Secretary Jonvic Remulla, ita a nakanselaren ti passport ni Co ket maibilangen a pugante iti linteg ket malimitaranen iti garawna iti ballasiw-taaw.
Kinuna ni Remulla a komplikado latta iti sitwasyon no pudno nga adda Portuguese passport ni Co ken parikot pay iti panangsurotda iti international law.
Maipalagip nga idi November 18 ket impila ti Ombudsman iti Sandiganbayan iti corruption ken malversation of public funds charges kontra ken ni Co ken dadduma pay a karaman iti maanomalya a P289 million flood control project idiay Naujan, Oriental Mindoro.
-- ADVERTISEMENT --
