--Ads--
Imbilin ni Interior Secretary Benhur Abalos ti Philippine National Police (PNP) nga imbestigaran ti viral video a mapapati nga agar-aramat ni President Ferdinand Marcos Jr. ti ilegal a droga nga inawagan ti secretary a peke ken malisyoso.
Imbilin ni Abalos kada PNP Chief Police General Rommel Francisco Marbil, Brig. Generals Matthew Baccay ken Ronnie Francis Cariaga a mangbukel ti task group tapno imbestigaran ti nasao a banag.
Kinunana a makikamkammayet ti Department of Information and Communications Technology (DICT).
Impaganetget ni Abalos a saan a ni President Marcos iti video kas maibasar ti lapayag.
-- ADVERTISEMENT --
Maibilang a malisyoso ti pannakairuar ti video ta nairana pay a maikatlo nga State of the Nation Address (SONA) ti president.
