Aminado ti Department of the Interior and Local Government a saan nga epektibo ti SIM Card Registration Act kontra Philippine Offshore Gaming Operators ken dadduma pay nga scamming activities.
Segun ken ni DILG Secretary Jonvic Remulla, saan a nai-link wenno integrated ti national ID system kadagiti telecommunication companies isu nga agraira dagiti scammer.
Kayatna a sawen, awan ti national ID a konektado iti sim card registration.
No mapasamak daytoy, kada tao ket mabalin nga agtagikua ti kada tao iti agingga 100 a sim card a mabalin a maaramat a pangloko.
2022 idi nagbalin a linteg ti RA 11934 wenno ti sim registration tapno malapdan dagiti krimen usar ti cellphone babaen iti text wenno inline, ngem agingga ita ket nalatak latta ti online scam.
