Pinasingkedan ni Department of Social Welfare and Development (DSWD) Secretary Rex Gatchalian a kas panangsurot ti digital transformation iti ahensya ket irusatdan ti online system a pagiruar ti guarantee letters iti salinong ti Assistance to Individuals in Crisis Situation (AICS).
Segun ken ni Gatchalian, ti digitalization ti regulatory ken key services iti ahensya ket maar-aramid tapno agbalin nga efficient ken mas accessible iti publiko.
Ti agtultuloy a panangkompleto ti online portal tapno i-automate iti probisyon iti guarantee letters ket maisayangkat tapno dagiti indibidual wenno pamilia nga adda iti krisis ket saanen a kasapulan nga agpila kadagiti opisina iti DSWD.
Inlawlawag iti ahensya a ti digital development ket kas panangisakit iti kasasaad dagiti agkasapulan mainaig iti medical ken hospital bill a masansan a walo nga oras nga ag-apply para kadagiti serbisyo ken mapan kadagiti kaasitgan nga opisina.
Ti online system ket maidaldalanen ti fine-tunning ken manamnama a maleppas iti kabiitan a panawen.
