Mangisayangkat ti mayannatup a diplomatic action ti Department of Foreign Affairs (DFA) maipanggep ti pannakadunor ti ulo ti maysa a kameng ti Philippine Navy kalpasan a mapapati a pinatit ti miembro ti China Coast Guard (CCG) idiay Ayungin Shoal.
Segun ti DFA, makikamkammayetdan iti Armed Forces of the Philippines (AFP) tapno maala ti kompleto a detalye iti insidente.
Kinuna ti DFA nga aniaman a tignay a kinaranggas kontra iti Filipino personnel ket saan a maawat ken saan masapul a matignayan iti diplomatic action.
Maibasar ti pakaammo ti AFP, maysa a rigid hull inflatable boat iti CCG nga adda walo a naglugan iti immasideg ti BRP Sierra Madre ken naglikmot iti aglawlawda bayat a mangal-ala iti ladawan ken video.
Kinuna pay ti AFP a kalmadoda a pinapanaw ti dua a rubber boat iti Philippine Navy ngem nagbalin a naranggas ken agresibo dagiti kameng ti CCG.
Mapapati a maysa a miembro ti CCG ti nangpatit iti kayo a baton iti ulo ti maysa a Navy personnel idinto a maysa kadagiti rubber boat iti Philippine Navy iti nadadael.
