Kinumpirmaran ti Department of Foreign Affairs (DFA) nga awan ti Pilipino a nadangran iti panagbettak ti Ras Laffan gas facility idiay Qatar.
Dayta iti impasigurado ni DFA Spokesperson Aianlyn Ratonel kalpasan a nakumpirmaran ti Philippine Ambassador idiay Qatar nga awan ti Pilipino a nairaman iti insidente.
Napasamak idi Domingo ti operational incident idiay Ras Laffan a pakasarakan ti kangrunaan a liquefied natural gas processing operations iti pagilian a nagresulta iti panagbettak ken pannakauram ti Barzan gas plant.
Kinuna ti kompania a dagus met laeng a nadepdep ti apoy no pay saan a nalawag no adda damage iti planta a mangsup-suplay iti gas iti domestic market.
Pinasingkedan ti Ministry of Interior iti Qatar nga adda sumagmamano a nadunor iti insidente a nangiladawanna kas technical accident.
