Inlawlawag ti Department of Foreign Affairs a dagiti produkto a naaramid iti Pilipinas ken saan nga agar-aramat wenno saan a mangnamnama iti forced labor.
Inaramid ti DFA ti statement kasaruno ti naipataw a 12.5% a taripa ti US government iti 60 a pagilian karaman ti Pilipinas, a maipagarup a kurang iti tignay kontra forced labor.
Pinasingkedan ti ahensia a nabayagen a napaneknekan ti Pilipinas a dagiti lokal a produkto, pakairamanan iti maip-ipan idiay Amerika ket saan nga ag-depende iti forced labor.
Innayon ti DFA nga adda linteg ti Pilipinas a mangiparparit ti forced labor ken agtultuloy a mapapapigsa ti legal ken institutional framework na babaen iti panangidatag dagiti mekanismo tapno imbestigaran ken masungbatan dagiti alegasion mainaig dagiti produkto a naaramid babaen iti forced labor.
