--Ads--
Impasigurado ti Department of Foreign Affairs nga awan ti Pilipino a nadangran iti pammaltog a napasamak idiay Bondi Beach, Sydney, Australia.
Kasaruno dayta ti napasamak a mass shooting kabayatan ti panangrambak iti Hanukkah ti Jewish community, ket 15 a tao ti natay ken 40 ti nadunor.
Makikamkammayet ti Philippine Consulate idiay Sydney kadagiti maseknan idiay Australia tapno siguradwen ti kinatalged dagiti Pilipino.
Kabayatanna, nakipagrikna met ti ahensia kadagiti biktima ken dagiti pamiliada, kagiddan ti panangpalagipda kadagiti Pilipino idiay Sydney nga agridam, liklikan dagiti apektado a lugar, ken suroten ti pammilin dagiti lokal nga otoridad.
-- ADVERTISEMENT --
