VIGAN CITY – Nagsuraten ti Provincial Government of Ilocos Sur ti INTER-AGENCY TASK FORCE FOR THE MANAGEMENT OF EMERGING INFECTIOUS DISEASES tapno maidalan ti probinsya ti Modified Enhance Community Quarantine.
Ti pannaki-uman ti Bombo Radyo Vigan kenni Governor Ryan Singson, nalpas dan a nagtataripnong dagiti mayor ditoy probinsya ket napagdesisyonan da a maisubli ti probinsya ti MECQ.
Maiururay laengen iti desisyon ti IATF no maidalan manen ti MECQ ti probinsya kalpasan a nagsasaruno iti pannakairekord dagiti baro a kaso ti COVID19 gapo iti local transmission.
Agtultuloy iti kiddaw ti gobyerno probinsya kadagiti umili nga agtalinaed kadagiti pagtaengan no awan iti napateg a papanan ken iti panangsurot ti minimum health standards tapno saan a makaptan ti virus.
