VIGAN CITY – Impalawag ni Gov. Ryan Singson a saan pay laeng a naaprubaran ti kiddawna a maidalan iti Modified Enhanced Community Quarntine ti probinsia ta yururayda pay laeng iti desisyon ti Inter-Agency Task Force for the Management of Emerging Infectious Disease.
Iti pannaki-uman ti Bombo Radyo Vigan ken ni Gov. Singson, nakadepende iti panggeddeng dagiti Local Government Unit iti Vigan City, Candon City, Magsingal ken Caoayan no ania dagiti iyetnagda a pagannurutan para iti pagsayaatan inaig iti inrekomendarna a pannakaidalan iti localized lockdown iti masakupanda.
Segun ken ni Gov. Singson, ti localized lockdown ket maipatungpal kadagiti barangay nga adda kaso na iti COVID19 idinto a ti MECQ ket malimitaran laeng iti garaw dagiti umili ngem saan na kayat a sawen a malock down dagiti luglugarda ken saan dan a mabalin a rummuar kadagiti balayda.
Kiniddaw ti gobernor kadagiti umili a boluntaryo nga agtalinaed kadagiti pagtaengan tapno maliklikan iti panagwaras iti COVID10 ditoy probinsya ta immunan nga impakammo na nga adda iti local transmission iti nasao a virus.
