Nainget nga ad-adalen ti gobierno ti agbalin a pangngeddeng iti kiddaw ti United States ngai-extradite ni Pastor Apollo Quiboloy tapno sangwen ti kasona idiay Amerika.
Segun ken ni Palace Press Officer Atty. Claire Castro, adda dua nga option ti gobierno iti kiddaw nga extradition kasaruno iti nakapauneg a probision iti salinong ti extradition treaty iti Pilipinas ken Amerika.
Posible nga agtalinaed iti pagilian ni Pastor Quiboloy bayat a maidaldalan ti trial iti kasona iti Pilipinas, ngem posible met a temporaryo a masuspenso iti kasona iti pagilian ken maipan idiay Amerika babaen iti extradition.
Kinuna ni Castro, manamnama kadagiti sumarsaruno a lawas ket manamnama nga agsarita ni Pres. Ferdinand Marcos Jr. no ania iti agbalin a desision maibasar iti proseso a nakaipauneg iti treaty iti nagbaetan iti dua a pagilian.
Ni Quiboloy ket adda sangsangwenna a kaso a sex trafficking, child sexual exploitation, labor trafficking, fraud ken cash smuggling idiay United States.
