Opisialen a lineppas ti International Criminal Court ti 4 nga aldaw a confirmation of charges hearing ken ni dati a Presidente Rodrigo Duterte.
Segun ken ni ICC Presiding Judge Julia Motoc, iwaragawag ti Pre-Trial Chamber 1 ti desisionda iti uneg ti 60 nga aldaw kas panangsurot iti proseso ti korte.
Dagiti posible a resulta iti confirmation hearing ni Duterte ket mabalin a makumpirmaran a makanay ti ebidensia tapno maidalan iti trial; maisardeng ti legal proceedings no awan ti makanay nga ebidensia; ken temporaryo a maisardeng ti panagdengngeg tapno makasapul iti nayon nga ebidensia ti prosekusyon tapno mangisayangkat iti baro nga imbestigasion.
No bilang ta saan a makumpirmaran dagiti kaso, mabalin nga agkiddaw ti prosekusyon iti baro a panagdengngeg mainaig iti maalada a nayon nga ebidensia.
