--Ads--
VIGAN CITY- Depresyon ti mapapati a rason iti maatap a panagpakamatay ni Edgar Agpalo, agtawen ti lima pulo ket lima, naasawaan ,mannalon ken taga Sitio Mandulong , Barangay Cabaroan, San Esteban.
Maibasar iti report, nakita ni Janine Agpalo a nakadasay ti uliteg na iti uneg ti pagtaengan da a nabagsol ti tengged ken barokong na ken adda patadem iti abay ti bagi na isu nga intaray da idiay Rural Health Unit San Esteban ngem indeklarar ti attending physician a ni Dr. Coniflor Umalla a dead on arrival.
Naammuan manipud kadagiti kabagyan ti biktima nga agsagsagaba daytoy iti mental depression ken idi napan a lawas ket ginandat na iti nagpakamatay ngem saan a nagballigi.
