VIGAN CITY – Kinumpirmaran ti Department of Education ti planoda nga isubli ti old school calendar.
Iti taripnong iti House basic education committee, pinasingkedan ni Leila Areola a director iti Bureau of Learning Delivery iti Department of Education a ti school year para ti 2024-2025 ket mangrugi inton Hulyo 29 ken agleppas inton March 31, 2025 tapno ti sumaruno a school year 2025-2026 ket mangrugi iti Hunyo.
Segun ken ni Arreola, ikonsiderar ti DepEd ti panangisayangkat ti klase iti Sabado ngem maisayangkatto ti konsultasyon kadagiti nagannak, mangisursuro ken estudyante.
Awan met ti parikot ken ni Vladimer Quetua a chairperson iti Alliance of Concerned Teachers ti pangngeddeng nga isubli ti old school calendar gapu ti kinabara ti panawen ngem pakadanaganda iti panagklase ti tunggal Sabado isu a singasingda a maaddaan ti asynchronous a mamindua laeng a Sabado kada bulan.
