Immapela ni Education Secretary Juan Edgardo “Sonny” Angara kadagiti lokal a gobierno ken kadagiti nagannak a saan a kellaat a suspensoen ti klase uray nakapsot iti tudo ta adda saan a nasayaat nga epektona kadagiti estudyante iti masansan a kanselasyon ti klase.
Kiddaw ni Angara iti publiko, kadagiti nagannak, ken kadagiti estudyante a saan nga i-pressure ti local government ken chief executives nu adda iti bassit a tudo ket makanselaren ti klase.
Inlawlawagna a ti saan nga iseserrek dagiti estudyante ket adda karit a mangipaay kadakuada nga isu ti maawagan a learning loss.
Segun ken ni Angara, binilinnan ti Department of Education dagiti pagadalan a mangisayangkat ti make-up classes tapno masigurado a makompleto latta dagiti estudyante iti kasapulanda nga oras iti panagadal.
Saan met a kasapulan a maaramid ti make-up sessions nu weekend ta depende dayta iti kinawaya ti mangisursuro.
Ti addang ket gapu payen ti kumarkaru nga academic performance dagiti agad-adal kangrunaan iti panagbasa ken iti biang ti matematika.
