Ipalubos ti Department of Education ti maysa a work-from-home arrangement para kadagiti non-teaching personnel iti Midyear Wellness Break manipud October 27 agingga 30 tapno maital-o ti laing dagiti empleado ken maipasigurado ti agtultuloy a serbisio ti gobierno.
Dagiti mangidaulo kadagiti opisina ket nabilin a siguradoen ti agtultuloy a pannakaipaay ti serbisio kagiddan ti pannakapatalinaed ti skeleton workforce on site kabayatan ti Midyear Wellness Break.
Binilin pay ti DepEd dagiti mangidaulo iti functional office a mangisagana iti Work Arrangement Plan, pagtalinaeden ti linya ti komunikasion kadagiti kameng, ken siguradoen a maaramid dagiti empleado ti trabahoda.
Maibasar iti DepEd memorandum, maipatungpal laeng daytoy kabayatan ti Midyear Wellness Break.
