Inlawlawag ti Department of Education ti P89.9 milion a budget-da ita a tawen para iti Child Protection Program, maikontra iti imbaga ni Lanao del Sur Rep. Zia Alonto Adiong nga P89.9 billion.
Segun iti DepEd, sakup ti programa ti nadumaduma a preventive initiatives, agraman ti policy development, panagaramid iti session guides, ken panangipatungpal iti training programs.
Gagem dagiti addang a mapapigsa ti proteskion kadagiti karbengan dagiti agad-adal ken maikkan dagiti personnel iti naan-anay a pannakaammo ken kabaelan tapno mataming dagiti parikutda, kas maisurot kadagiti protocol ken guidelines.
Sakbay dayta, dinakamat ni Adiong iti maysa a press conference ti pondo ti DepEd iti salinong ti 2026 General Appropriations Act, agraman ti pondo para iti Child Protection Program, kasaruno ti insidente ti kinaranggas kadagiti pagadalan.
