Inlawlawag ti Department of Education a ti Friday work from home policy ket para laeng kadagiti non-teaching personnel kadagiti Deped office, idinto a dagiti mangisursuro ken school-based staff ket agtuloy nga agreport kadagiti pagadalan.
Iti memorandum a napetsaan iti Marso 11, pinasingkedan ti DepEd a ti Work From Home arrangement iti salinong ti DepEd Memorandum No 18, series of 2026 ket sakupna ti non-teaching ken related teaching personnel kadagiti central, regional, ken division office.
Dagiti teaching personnel ket ituloyda ti agklase tapno masigurado nga awan ti mataktak a klase ken dagiti end-of-school-year activities.
Inlawlawag pay ti ahensia a ti bilin ti gobierno iti flexible work arrangement ket saan a mairaman dagiti school-based personnel ken ti WFH provision para kadagiti non-teaching staff ket suspendido pay laeng.
