Agisayangkat ti Department of Education ti serye ti orientasion tapno suportaran dagiti school principal, mangisursuro ken dadduma pay nga stakeholder iti implementasion ti three-term school calendar a mangrugi inton School Year 2026–2027.
Segun ti DepEd paset daytoy iti baro a sistema nga addang ti ahensia tapno mapasayaat ti kalidad ti basic education, mapatibker ti instructional planning ken masigurado ti nasayaat a panangipatungpal ti K-12 curriculum kadagiti pagadalan.
Sakop ti orientasion dagiti polisiya ken operational adjustments mainaig iti shift, pakairamanan ti assessment ti grading, lesson planning ken education in emergencies, flexible learning programs ken strengthened senior high school work immersion.
Mangrugi ti orientasion ita a bulan ti Abril kasaruno ti panagirruar ti patakaran nga umuna a maited kadagiti regional ken division officials, kasta met kadagiti school head.
