--Ads--
Ad-adalen ti Department of Education ti posibilidad a mangaramid iti policy standard maipapan iti responsable a pannakausar ti artificial intelligence (AI) kadagiti pagadalan.
Segun kenni Education Secretary Sonny Angara, bigbigen ti DepEd ti pagsayaatan ti AI saan laeng a para kadagiti estudiante no di ket para kadagiti mannursuro, ta mabalin a makatulong iti research ken nalaklaka ti pannakaited ti leksion.
Nupay kasta, kinuna ni Angara nga ammo ti DepEd a mabalin a mausar ti AI Technology iti panagabuso wenno irresponsible use kas iti panagkusit iti exam wenno papers.
Gapu dayta, mangaramid ti DepEd iti policy wenno guidelines a maipatungpal kadagiti pagadalan mainaig iti saklaw ken limitasion ti pannakausar ti AI.
-- ADVERTISEMENT --
