Binigbig ti World Health Organization (WHO) ti Denmark a kaunaan a pagilian iti European Union a nakagun-od iti elimination of mother-to-child transmission (EMTCT) iti HIV ken syphilis.
Ti sertipikasyon ket pammaneknek iti nabayagen a dedikasyon iti pagilian tapno masigurado a tunggal maladaga ket maiyanak nga awanan iti impeksyon.
Segun ken ni WHO Director-General Dr. Tedros Adhanom Gebreyesus, ti elimination ti mother-to-child transmission iti HIV ken syphilis ket dakkel a balligi iti pampubliko a salun-at para idiay Denmark.
Impakaitada dayta babaen ti natibker a political commitment ken agtultuloy a panangidaulo ti primary care ken maternal health services, mabalin a masalakniban ti tunggal masikog ken kaiyanak a maladaga.
Maibasar iti panagdal ti WHO Regional Validation Committee idi June 2025 ken Global Validation Advisory Committee idi August 2025, nagun-od iti Denmark ti amin a target manipod 2021 agingga 2024 pakairamanan iti nababa a transmission rates ken nangato a sakup ti prenatal testing ken treatment para kadagiti masikog.
