Idurduron ni House Deputy Leader ken Mamamayang Liberal party-list Rep. Leila de Lima ti panangted ti binulan a fuel subsidy iti gobierno kadagiti public utility vehicle (PUV) driver, mannalon, mangngalap ken dadduma pay a low-income sectors.
Ti gakat a Fuel Subsidy Program Act (House Bill 8031), saan a nababbaba iti P7,000 ti binulan a fuel subsidy iti it-ited iti gobierno.
Segun ken ni de Lima, ti temporaryo a fuel subsidy nga inted iti gobierno ket saan a makatignay iti kasapulan dagiti vulnerable sector iti panangina ti presyo ti produkto petrolyo.
Tapno nadardaras ken naep-epektibo iti panangted ti ayuda ket nakalanad iti House Bill 8031 a direkta dayta a maiserrek iti bank account ti benepisyaryo.
Iti salinong ti gakat, ti gakat ti binulan a subsidy ket simpaen ti Department of Energy ken Department of Budget and Management kadua ti Department of Economy, Planning and Development tapno mabigbig no mayannatup.
