Nagkiddaw ti Department of Budget and Management ken ti Department of Health iti Commission on Audit a mangaramid iti special audit iti naiwaras a pondo para iti bayad dagiti amin a Public Health Emergency Benefits and Allowances claims.
Segun iti DBM ken DOH, daytoy ti mangipasigurado iti proper accounting ti public funds a nausar ken asistaran ti Health Department iti panang-validate ken panang-consolidate amin a request ken disbursement a mainaig iti health emergency allowance.
Nadlaw dagiti ahensia ti panagbalbaliw ti funding requirements para iti PHEBA.
Innayonda a ti DBM ket nangilatang ken nangiwaras iti DOH iti pakabuklan a P121.32B a mangsalup iti amin a healthcare ken non-healthcare workers a nagserbi manipud 2020 agingga 2023.
Ti P121.32 billion ket sakupna ti grant ti Special Risk Allowance, Health Emergency Allowance/One Covid19 Allowance, Covid19 Sickness and Death Compensation, ken dadduma pay a benepisyo, kas ti taraon, accommodation, ken transportation allowances.
