Inaprubaran ti Department of Budget and Management ti 10,000 non-teaching positions para iti Department of Education tapnon maksayan ti trabaho dagiti mangisursuro kadagiti pampubliko a pagadalan.
Dagiti posisyon ket para iti Administrative Officer II Salary Grade 11 ken maikabil kadagiti elementarya ken high school iti intero a pagilian.
Mangiruar iti staffing notice dagiti regional offices ti DBM maibasar iti deployment plan ti DepEd.
Segun ken ni Budget Secretary Amenah Pangandaman, daytoy ket kas panangtungpal iti kari ni Presidente Ferdinand Marcos a suportaran dagiti mangisursuro ken palag-anen ti trabahoda.
Nayon daytoy iti immunan a 16,000 teaching positions a naaprubaran para iti SY 2025-2026.
Inallukoy ni Pangandaman ti DepEd nga alistwan ti mangpunno kadagiti posisyon, nangruna ta dandanin ti panagseserrek, uray no saan a nadaras ti proseso.
