Pinasingkedan ni dati a presidential chief legal counsel Salvador Panelo a pure imagination wenno espekulasyon laeng iti inamin ni Retired Police Colonel Royina Garma inaig ti reward system para iti panangpapatay kadagiti drug suspek idi Duterte Administration.
Ti addang ket kalpasan a pinasingkedan ni Garma bayat ti House Quad Committee a kiniddaw kenkuana ni dati a president Rodrigo Duterte a mangkita kadagiti officer a mangipatungpal ti “Davao model” iti war on drugs a national scale, maysa a sistema a maipaayan ti agingga P1 million iti panangpapatay iti drug suspects.
Segun ken ni Panelo, indeklarar ni Duterte ti war on drugs ken panangibagana a patayenna dagiti nainaig iti illegal a droga ket sapatana para ti panagdusa dagiti mainaig babaen iti pannakaibaludda.
Innayonna a saan nga agsardeng dagiti kalaban ti dati a president iti politika ta agtultuloy iti panangdadaelda kenkuana babaen ti panagaramatda ti kuarta tapno adda ti agsarita kontra kenkuana.
