Mamati ni dati a National Bureau of Investigation Director Jaime Santiago a kabaelan ni Vice President Sara Duterte nga aramiden dagiti pangtana kada Presidente Ferdinand Marcos Jr., First Lady Liza Araneta-Marcos ken dati a House Speaker Martin Romualdez.
Segun ken ni dati nga NBI Director Santiago, dayta ket resulta ket resulta ti imbestigasion a binukel ti task force-na idi.
Innayon ni Santiago a naturay ti bise presidente, adda kuarta ken dadduma a resources-na isu a saan nga imposible a maaramidna ti pangtana.
Maipalagip a panawen ni Santiago ti nangisingasing iti Department of Justice a pilaan iti kaso nga inciting to sedition ken grave threats ni VP Sara idi Pebrero 2025.
Kabayatanna, nakasagana met a tumestigo iti impeachment trial ti dati nga opisial no mapatulodan iti subpoena.
