--Ads--
VIGAN CITY – Kinumpirmaran ni dati nga Ilocos Sur Governor Luis Chavit Singson ti panagpaidasigna a kina-senador inton 2025 midterm election.
Segun ken ni Singson, adu ti mangkidkiddaw kenkuana nga agpaidasig a kina-senador ngem saanna a kayat gapu ti tawenna.
Ngem babaen ti panangallukoy kenkuana ni dati a President Rodrigo Duterte a tumaray ket ingkarida iti suportada idiay Mindanao.
Inlawlawagna a dayaw ti panangallukoy kenkuana ti dati a presidente ta saanna pulos a nalipatan ken mamati pay iti kabaelanna.
-- ADVERTISEMENT --
Kinunana a nagpakada pay iti pamiliana, Local Government Units, Mayors League ken Governors League para iti panagpaidasigna a banag nga inanamunganda.
