VIGAN CITY– Tarigagayan ni Atty. Larry Gadon nga isubli ti dati a nagan ti Ninoy Aquino International Aiport (NAIA) a Manila International Airport (MIA) isu a nangipila ti petisyon idiay Office of the President ken Kongreso.
Segun kenni Atty. Gadon, awan ti rason tapno mainagan kenni dati a Senador Ninoy Aquino iti airport agsipud ta inrurumen na iti pagilian.
Inagawanan na pay a traydor ti dati a senador ta mapapati nga isuna ti founder ti New Peoples Army(NPA0, nagaramid ti peke nga account a maaw-awagan a “jabiah massacre” idi 1967 ken nangsabotahe ti claim ti Pilipinas iti teritoryo idiay Sabah.
Inpaganetget ti abogado a bukod na a desisyon iti panangipila ti petisyon agsipud ta kayat nan a maputed iti panagpulitika ti pamilya Aquino ken dagiti maaw-awagan a ‘Dilawan’ wenno dagiti miembro ti Liberal Party .
Kunana a karaman kadagiti ar-aramiden dagiti kaalyado ni Aquino ket panangbrainwash kadagiti umili ngem iti kinaagpaysuananna ket awan iti naaramidan iti dati a senador.
