Dati a transport minister iti Russia, nasarakan a natay nga adda gunshot wound-na

Nasarakan a natay ti inikkat a cabinet official ni Russian President Vladimir Putin.

Segun ti Investigative Committee, nakita dagiti otoridad ti bangkay ni dati Russian transport minister Roman Starovoit a mapapati a nagpakamatay babaen ti panagaramatna iti paltog.

Saan metten nga impakaammo dagiti otoridad nu ania iti rason ti pannaka-ikkatna iti pwesto.

Agtultuloy iti isaysayangkat nga imbestigasyon dagiti otoridad mainaig iti nasao nga insidente.