--Ads--
VIGAN CITY – Imbasuran ti Muntinlupa Regional Trial Court – Branch 206 ti naudi a drug case a sangsangwen ni dati a Senador Leila de Lima.
Ti addang ket kalpasan a napatgan ti kampo ti dati nga agpampanday linteg iti kiddaw ti demurrer to evidence.
Segun ken ni Atty.Boni Tacardon nga abogado ti dati a senador, epektibon ti panangawan ti dusa iti nababati a kaso ni de Lima.
Immunan a nangipila ti 52-pages a mosyon a nangkiddawanda iti Muntinlupa Regional Trial Court – Branch 206 a mangikkat ti dusa ken ideklararda isuna nga inosente ta saan a napaneknekan ti prosecution iti basolna kadagiti proceeding.
-- ADVERTISEMENT --
