Inlawlawag ni dati a Department of Labor and Employment Secretary Silvestre Bello III a saan a ni Pres. Ferdinand Marcos Jr. iti nangidiaya kenkuana tapno kumandidato idiay Davao City.
Immunan nga imbutaktak ti dati a secretary a naidiaya kenkuana ti maysa a bilion a pisos tapno tumaray idiay Davao City kontra iti nasikat a kaalyado ni dati a Pres. Rodrigo Duterte a ni Rep. Isidro Ungab.
Ni Bello ket maysa kadagiti nagserbi a miembro ti PDP Council of Elders.
Iti forum nga inorganisa ti Partido Demokratiko Pilipino-Lakas ng Bayan, inlawlawag ni Belo a saan a ni Pres. Ferdinand Marcos Jr. iti nangidiaya kenkuana a tumaray iti kinakongresista.
No pay kasta ket impatangkenna a ti tao nga immasideg kenkuana ket am-ammo ni Pres. Marcos.
Patien ti dati a secretary nga addan ti clearance manipod ken ni Pres. Marcos.
Inlawalwagna nga idi nagkedked iti naidiaya kenkuana ket insigida isuna a naikkat a chairman ti Manila Economic and Cultural Office (MECO).
