Saan a makadar-ay ni dati a President Rodrigo Duterte iti maika-siam a panagdengngeg iti House Quad Committee inton bigat, October 22, 2024 inaig iti kampania iti administrasyonna kontra iti illegal a droga.
Dayta ket nakailanad iti surat ti abogado ni Duterte a ni Atty. Martin Delgra ken ni Committee on Dangerous Drugs Chairman Rep. Robert Ace Barbers nga overall chairman iti Quad Committee.
Segun ken ni Atty. Delgra, short notice iti imbitasyon iti panagdenggeg ta naawat laeng ti kliyentena idi October 20.
Kinunana a kasubsubli idiay Davao a naggapu Manila idi October 17 ni Duterte isu a saan a nasayaat iti riknana ken masapulna iti inana kalaksidan pay iti tawenna.
Sinigurado met ni Atty. Delgra a kalikagum ti dati a presidente a makipaset iti panagdenggegt ti quad committee iti sabali nga aldaw.
